යේසු තුමන් සිරුරෙන් සැලෙනා
ලෙයින ලැබේ සතටා මිදීමා
ගන අඳුරේ සිටි පවිටුනටා
පෙන්වීය මවිතවූ ප්‍රේමේ අගනා
ප්‍රේමේ යේසුගෙ ප්‍රේමේ
ඒ අනර්ග වූ ප්‍රේමේ
මා දිනාගත් ප්‍රේමේ
දිව්‍ය යේසුගේ ප්‍රේමේ - //
මෙලොව සොවින් දිවි ගෙවනකලා
සැනසුම් දේ පෙම් හස්තයෙනා
සමිඳුන් තුළ මා මුද්‍රා කලා
යන්නෙම් නිමල වූ මග තුටිනා
දයා නදින් සැම කැඳවමිනා
දුනිය සුවය අදහන සැමටා
පෙම්බර යේසු මුදුකමිනා
පෙමින් දරාගෙන යේ සොඳිනා
පින්නෙහි හඬසේ හිමි නාදේ
ඇසේය මිහිරි වූ රස වදනේ
ප්‍රීති තෙලින් ආලේප කළේ
නිතිනා වසනට හිමි සෙවනේ
ප්‍රේමෙන සපිරි දිවි අන්තේ
හිඳිනට වේ තෙදැත් ගං ඉවුරේ
මුතු වාසල් සග ඇරී පෙනේ
ඇසේය හිමිගේ නද එදිනේ