(මුල් පිවිසුම )
හා... හා.... හා... හා... හා... හා... හා... හා... හා... හා... // (පළමු පිරිස දිගටම )
හා... හා.... හා... හා... හා... // (දෙවැනි පිරිස දිගටම )
හා... හා.... හා... හා... හා... හා... හා... // (තෙවන පිරිස )
යේසු උපන්නේ ලොවට සාමේ ගෙනෙන්නේ // (පළමු පිරිස දිගටම )
යේසු ලොවට උපන්නේ, සාමේ ලොවට ගෙනෙන්නේ // (දෙවැනි, තෙවන පිරිස )
හා... හා.... හා... හා... හා... හා... හා... හා... හා... හා... // (සැවොම, පිරිසක් දිගටම )
හා... හා.... හා... හා... හා... // (දෙවැනි පිරිස දිගටම )
හා... හා.... හා... හා... හා... හා... හා... // (තෙවන පිරිස )
(ඒකල ගායනය - සැම පේලියක් දෙවැනිවර සැවොම ගායනය )
දිමුතු අමුතු තරුවක් පෙර නුදුටු කිසි දිනේ - //
විහිදයි කැළුමන් දස අත පායා අහසේ - //
මේ නම් පුදුමයෙක් මහා අසිරි දසුනකි - //
යමු යමු ඒ දෙසට වහා විමසන ලෙසිනි - //
වහා විමසන ලෙසිනි... - //
(සටහන - ඒකල )
යුදා දේශේ බෙත්ලෙහෙමේ
උපන්නේ මහා රජ කෙනෙක්
ඉදිරි ඔබගේ අප රඟන්නේ
පුදුම පැරණි සිද්ධියක් - // (දෙවැනිවර සැවොම ගායනය )
එදා දිවැසිවරු කී ලෙසින්
සව් ලෝ බල ඇති දෙවිඳුගේ
ඒක ජාතක පුත්‍ර වූ
යේසු ඉපදුනු වගයි - // (දෙවැනිවර සැවොම ගායනය )
(ඒකල ගායනය - සැම පේලියක් දෙවැනිවර සැවොම ගායනය )
රජ කුමරෙක් ඉපදී ඇත යුදා දේශයේ - //
බැහැ දකින්ට යමු එතුමන් හනිකට විලසේ - //
කට්ටකුමංජල් සුවඳ ලාටු රත්තරන්
හා හා.. - /// (සැවොම ගායනය )
කට්ටකුමංජල් සුවඳ ලාටු රත්තරන්
වඳිමු බිලිඳු යේසු තුමා දොහොත් මුදුන් දී
හා හා දොහොත් මුදුන් දී - //
(සටහන - ඒකල )
එකල බෙත්ලෙහෙම් පුරවරේ
නිසල වූ සීතල රාත්‍රියේ
බැටළු බලා සිටි එඬේරුන්ට
මේ පුවත සැල වුනා - // (දෙවැනිවර සැවොම ගායනය )
(ඒකල ගායනය - සැම පේලියක් දෙවැනිවර සැවොම ගායනය )
දිමුතු ඒ රන් තරුව මෙතෙක් ඇඳුණු ඉදිරියේ - //
බලව රැඳුනු සැටි අහසේ බෙත්ලෙහෙම් පුරේ - //
යේසුතුමා සිටින තැනට ඒ රැස් වැටුණා
හා හා.. - /// (සැවොම ගායනය )
යේසුතුමා සිටින තැනට ඒ රැස් වැටුණා
ඒ රැස් අතරින් එතුමගේ උපත එළි වුණා
හා හා උපත එළි වුණා - //// (වේගය අඩුකරමින් අවසානය, උ. ප. ත. )
(පිරිසක් ගායනය )
සව් ලෝ මැව් දෙවි, පිය නම සිහි කර
අප ණය වෙනුවෙන්, දුන් පුත් සිහි කර
තෙද බල මහිමෙන්, වැඩි හිමි සිහි කර
තියෙක දෙවිඳු නම, නමස්කාර කර - // (දෙවැනි වර සැවොම ගායනය )
(පිරිසක් ගායනය )
සාමයේ කුමරා, ලෝකෙට වැඩියේ
සාමයේ පණිවිඩ, දූතුන් ගැයුවේ
සාමය ඒ මුත්, නැත ලොව හරියේ
සාමයේ සාධක, අප විය යුත්තේ - // (දෙවැනි වර සැවොම ගායනය )
(සැම පේලියක් දෙවැනිවර සැවොම ගායනය )
තාරුකා තාරුකා තාරුකාව පායලා - //
තාරුකාවේ වලිගය ගවලෙන වෙත යන පාර කියන්නේ... - //
(සැම පේලියක් පළමුවර සැවොම ගායනය )
හරි ලස්සන ඒ දේව දූතයා - //
තණ පිට්ටනියේ බැටළුන් රකිමින් - //
සිටි ගොපළුන් වෙතට පැමිණ - මොනවද කීවේ?
ලොව ගලවන්නට රජෙක් ඉපදිලා - //
(සැම පේලියක් දෙවැනිවර සැවොම ගායනය )
තාරුකා තාරුකා තාරුකාව පායලා - //
තාරුකාවේ වලිගය ගවලෙන වෙත යන පාර කියන්නේ... - //
(සැම පේලියක් පළමුවර සැවොම ගායනය )
තුන් දෙසතින් ආ සෘසිවරු තිදෙනා - //
යුදෙව් රජුන්ගේ මැදුරට වැඩියා - //
හෙරොද් රජුව මුණ ගැසිලා - මොනවද කීවේ?
ලොව ගලවන්නට රජෙක් ඉපදිලා - //
(සැම පේලියක් දෙවැනිවර සැවොම ගායනය )
තාරුකා තාරුකා තාරුකාව පායලා - //
තාරුකාවේ වලිගය ගවලෙන වෙත යන පාර කියන්නේ... - //
(සැම පේලියක් පළමුවර සැවොම ගායනය )
සෘසිවරු තිදෙනා එකට එක්වෙලා - //
බෙත්ලෙහෙම් පුරේ ගවලෙන සොයලා - //
බිළිඳු යේසු පා නැමදා - මොනවද කීවේ?
ලොව ගලවන්නට රජෙක් ඉපදිලා - //// (දෙවැනි පිරිස දිගටම )
යේසු ලොවට උපන්නේ, සාමේ ලොවට ගෙනෙන්නේ // (ගැහැණු, පිරිසක් දිගටම )
යේසු උපන්නේ ලොවට සාමේ ගෙනෙන්නේ // (තවත් ගහැණු පිරිසක් )
හා... හා.... හා... හා... හා... හා... හා... හා... හා... හා... // (සැවොම, පිරිසක් දිගටම )
හා... හා.... හා... හා... හා... // (දෙවැනි පිරිස දිගටම )
හා... හා.... හා... හා... හා... හා... හා... // (තෙවන පිරිස )
ලොව ගලවන්නට රජෙක් ඉපදිලා - // (දෙදෙනෙක් )
(සැවොම ගායනය )
බැති කුසුම් සිත් තුළ පිපෙන්නයි
සාමයේ, ගී හඬ ඇසෙන්නයි
ප්‍රේමයෙන්, ලොව පිරෙන්නයි
මෙදා නත්තල, වාසනා //
මෙදා නත්තල, වාසනා - ////